أرواحو نكونو كالشجرة المثمرة في المجتمع

**Admin** الإثنين 15 نوفمبر - 8:46

السلام عليكم ورحمة الله وبركاته
اليوم حبيت نطرح فكرة جديدة نتمنى أنها تعجبكم وهذي الفكرة هي الهدف الرئيسي نتاع هذا القسم
منتدى واش راك تهدر هنا نتكلمو بلهجتنا الجزائرية فقط على مانصادفه في حياتنا اليومية والمعيشية.
ييعني أن قسم واش راك تهدر هو قسم تطرح فيه المشاكل إلي نلقوها في حياتنا اليومية، ومن هذي المشاكل نلقاو آفات انتشرت في المجتمع مثل السرقة والقتل والمخدرات، وراكم تشوفو كل يوم تفتج الجرنال تلقى اخبار القتل والتعدي على الأصول يعني الأبوين والأخوة والأخوات وباقي أفراد الأسرة والعائلة. وأيضا الحرقة للخارج وغيرها من المشاكل والآفات
الفكرة نتاع الموضوع أننا نحاول نبحث عن أسباب كل آفة ونتكلمو بصراحة عن الدوافع إلي تجبر أي واحد منا يرتكب مثل هذي الحماقات
نتمنى أن الموضوع يعجبكم ونقدروا من خلاله نمسوا عمق المجتمع ومنبقاوش ندورو في مواضيع معينة فقط